Organizatat e Njohura për Zhvillim Profesional të Vijueshëm (CPD)

Këshilli Drejtues mund të njohë si organizatorë të CPD-së:

• Institucione të arsimit të lartë;
• Qendra të kualifikimit profesional;
• Shoqëri auditimi që organizojnë programe të zhvillimit profesional për punonjësit e tyre;
• Organizata profesionale dhe institucione të tjera që plotësojnë kriteret e miratuara nga IEKA.

Për t'u njohur si organizator i CPD-së, institucioni duhet të dëshmojë se disponon kapacitetet e nevojshme organizative, akademike dhe logjistike për zhvillimin e programeve të kualifikimit profesional, në përputhje me kërkesat e IEKA-s.

Programet e propozuara duhet të rakordohen paraprakisht me IEKA, ndërsa organizatori duhet të informojë edhe Bordin e Mbikëqyrjes Publike (BMP), në përputhje me legjislacionin dhe rregulloren në fuqi.

Përveç programeve të organizuara nga IEKA ose organizatat e njohura, Këshilli Drejtues mund të miratojë njohjen dhe konvertimin në orë CPD të aktiviteteve të tjera profesionale, sipas rregullave në fuqi.

Këto mund të përfshijnë:

• pjesëmarrjen në konferenca profesionale kombëtare dhe ndërkombëtare;
• botimin e artikujve teknikë dhe profesionalë;
• pjesëmarrjen në programe të zhvillimit profesional të organizuara nga institucione të arsimit të lartë, qendra trajnimi ose shoqëri auditimi të njohura nga IEKA.

Lista e organizatave të njohura për organizimin e programeve të Zhvillimit Profesional të Vijueshëm (CPD) miratohet me vendim të Këshillit Drejtues dhe përditësohet periodikisht.