Anëtarët
Kualifikimi i Vijueshëm Profesional (CPD)
Kualifikimi i Vijueshëm Profesional (Continuing Professional Development – CPD) është një kërkesë e detyrueshme për të gjithë audituesit ligjorë, në përputhje me legjislacionin në fuqi dhe standardet ndërkombëtare të profesionit.
Programi i CPD-së synon të sigurojë përditësimin e vazhdueshëm të njohurive, aftësive dhe kompetencave profesionale, duke garantuar që audituesit ligjorë të ushtrojnë profesionin në përputhje me zhvillimet më të fundit ligjore, profesionale dhe teknologjike.
Kërkesat kryesore
Kualifikimi i organizuar nga institucione të tjera
Audituesit ligjorë mund të ndjekin programe të CPD-së të organizuara nga institucione të tjera të njohura nga IEKA.
Në këto raste, audituesi ligjor duhet:
- të njoftojë me shkrim IEKA-n jo më vonë se dy javë përpara fillimit të kursit;
- të paraqesë informacion mbi organizatorin, programin, lektorët, vendin dhe kalendarin e zhvillimit të trajnimit;
- të depozitojë në IEKA vërtetimin e pjesëmarrjes dhe dokumentacionin përkatës brenda 30 ditëve nga përfundimi i aktivitetit.
Njohja e orëve të CPD-së
Këshilli Drejtues mund të njohë si orë të Zhvillimit Profesional të Vijueshëm edhe aktivitete të tjera profesionale, në përputhje me rregulloren në fuqi, si:
- pjesëmarrja në konferenca profesionale kombëtare ose ndërkombëtare;
- botimi i artikujve teknikë ose profesionalë;
- pjesëmarrja në programe të organizuara nga institucione të arsimit të lartë, organizata profesionale ose shoqëri auditimi të njohura nga IEKA.
Shihni listën e organizatave të njohura për zhvillimin e programeve të CPD-së.
Programi Vjetor i CPD-së
Këtu publikohen programet dhe kalendarët vjetorë të Zhvillimit Profesional të Vijueshëm.