Kandidatët

Praktika Profesionale

Praktika profesionale është pjesë e detyrueshme e procesit të kualifikimit për fitimin e titullit Auditues Ligjor. Ajo zhvillohet paralelisht me Programin e Edukimit Profesional (Postmaster) dhe synon t'u mundësojë kandidatëve fitimin e përvojës praktike, aftësive profesionale dhe kompetencave etike të nevojshme për ushtrimin e profesionit.

Praktika organizohet në përputhje me Ligjin për Auditimin Ligjor, rregulloret e IEKA-s dhe Standardet Ndërkombëtare të Edukimit (IES).

Kohëzgjatja dhe organizimi

Kohëzgjatja3 vite kalendarike

Praktika fillon në fillim të vitit kalendarik dhe zhvillohet paralelisht me Programin e Edukimit Profesional (Postmaster).

Minimumi i orëve800 orë / vit

Minimumi 800 orë pune në vit në auditimin ligjor të pasqyrave financiare.

DrejtimiAuditues Ligjor i regjistruar

Praktika realizohet nën drejtimin dhe mbikëqyrjen e një Audituesi Ligjor të regjistruar.

Pranë drejtuesitJo më pak se 70%

Me autorizim të Këshillit Drejtues, praktika mund të zhvillohet pranë më shumë se një audituesi ligjor ose shoqërie audituese, por jo më pak se 70% e orëve realizohet pranë drejtuesit të praktikës.

Zhvillimi i praktikës

Praktika profesionale zhvillohet në angazhime reale auditimi dhe përfshin pjesëmarrjen e kandidatit në misione profesionale. Praktika duhet të përfshijë:

01minimumi 800 orë pune në vit në auditimin ligjor të pasqyrave financiare;

02përfshirje aktive në proceset e auditimit;

03zbatim të standardeve profesionale dhe kërkesave etike.

Marrëveshja e praktikës profesionale

Përpara fillimit të praktikës, kandidati dhe drejtuesi nënshkruajnë Marrëveshjen e Praktikës Profesionale, sipas modelit të miratuar nga IEKA. Marrëveshja përcakton:

01detyrimet dhe përgjegjësitë e kandidatit;

02detyrimet dhe përgjegjësitë e drejtuesit të praktikës;

03mënyrën e organizimit dhe zhvillimit të praktikës.

Kur praktika zhvillohet pranë një shoqërie audituese, kjo e fundit cakton një Auditues Ligjor të regjistruar si drejtues të praktikës. Marrëveshja mund të përfshijë një periudhë prove prej 3 deri në 6 muaj.

Detyrimet e kandidatit

Gjatë praktikës profesionale kandidati është i detyruar të:

01ndjekë Programin e Edukimit Profesional;

02marrë pjesë në leksione, seminare dhe testime;

03respektojë Kodin e Etikës, legjislacionin dhe rregulloret e IEKA-s;

04kryejë detyrat profesionale të ngarkuara nga drejtuesi i praktikës;

05mbajë Ditarin e Praktikës Profesionale;

06respektojë afatet e raportimit dhe dorëzimit të dokumentacionit.

Ditari i Praktikës Profesionale

Çdo kandidat është i detyruar të mbajë Ditarin e Praktikës Profesionale, ku dokumentohen angazhimet profesionale, orët e realizuara dhe përvoja e fituar gjatë vitit.

Afatet e dorëzimit

Deri më 10 janar të çdo viti, kandidati dorëzon në IEKA Ditarin e Praktikës Profesionale dhe raportin me vlerësimin e drejtuesit të praktikës.

Nëse dokumentacioni nuk dorëzohet brenda këtij afati, KEKV jep një paralajmërim dhe cakton një afat të dytë. Afati i dytë përfundimtar është data 25 janar.

Nëse dokumentacioni nuk dorëzohet edhe brenda afatit të dytë, kandidati përsërit vitin e praktikës profesionale, pavarësisht arsyes së mosdorëzimit.

Drejtuesi i praktikës

Drejtuesi i praktikës profesionale është përgjegjës për mbikëqyrjen dhe formimin profesional të kandidatit. Ai:

01organizon dhe mbikëqyr praktikën;

02përfshin kandidatin në misione auditimi;

03monitoron Ditarin e Praktikës Profesionale;

04vlerëson periodikisht ecurinë e kandidatit;

05raporton pranë IEKA-s.

Monitorimi dhe vlerësimi

Gjatë praktikës profesionale, IEKA monitoron përmbushjen e kërkesave nëpërmjet:

01raporteve periodike të drejtuesit të praktikës;

02shqyrtimit të Ditarit të Praktikës Profesionale;

03ndjekjes së Programit të Edukimit Profesional;

04testimeve të moduleve profesionale;

05vlerësimit të përmbushjes së detyrimeve të praktikës.

Raportimi

Drejtuesi i praktikës dorëzon çdo 6 muaj raportin e vlerësimit për ecurinë e kandidatit. Raporti depozitohet në IEKA brenda datës 10 të muajit pasardhës.

Në vitin e fundit të praktikës, kandidatët që kanë përfunduar me sukses modulet profesionale depozitojnë dhe mbrojnë Punimin Profesional, sipas rregullave të miratuara nga Këshilli Drejtues.

Përfundimi i praktikës profesionale

Praktika profesionale përfundon me lëshimin e Certifikatës së Përfundimit të Praktikës Profesionale, pasi kandidati:

01ka përfunduar 3 vitet e praktikës;

02ka realizuar numrin minimal të orëve të praktikës;

03ka përfunduar me sukses Programin e Edukimit Profesional;

04ka kaluar testimet e moduleve profesionale;

05ka mbrojtur me sukses Punimin Profesional.

Me marrjen e certifikatës, kandidati fiton të drejtën të regjistrohet në Provimet e Kualifikimit Profesional (KPAP) për fitimin e titullit Auditues Ligjor.

Tarifat

Tarifa e regjistrimit në praktikën profesionale100,000LEK

Afati i pagesës: 31 mars

Tarifa vjetore e trajnimit50,000LEK / vit

Afati i pagesës: 30 qershor

Tarifat miratohen nga Këshilli Drejtues i IEKA-s dhe përditësohen sipas vendimit përkatës.