Procedurat e Regjistrimit

Regjistri Publik i audituesve ligjorë dhe shoqërive të auditimit administrohet nga IEKA, në përputhje me legjislacionin në fuqi dhe aktet nënligjore për auditimin ligjor.

Audituesit ligjorë dhe shoqëritë e auditimit fitojnë të drejtën për të ushtruar veprimtarinë e auditimit ligjor vetëm pasi regjistrohen në Regjistrin Publik. Regjistri përditësohet në mënyrë periodike dhe përmban të dhënat mbi statusin e audituesve ligjorë dhe shoqërive të auditimit.

Procedurat e regjistrimit, riregjistrimit, pezullimit dhe çregjistrimit shqyrtohen nga Komiteti i Regjistrimit, në përputhje me procedurat e miratuara nga IEKA dhe Bordi i Mbikëqyrjes Publike.