Asambleja e Përgjithshme e Anëtarëve të IEKA-s: Zgjidhet Këshilli i Ri Drejtues (2025–2029), Tirane, TETOR 2025.
Më 17 tetor 2025, Instituti i Ekspertëve Kontabël të Autorizuar (IEKA) zhvilloi punimet e Asamblesë së Përgjithshme të Anëtarëve. Ky aktivitet përbën një nga ngjarjet më të rëndësishme institucionale të vitit, ku u analizuan arritjet e deritanishme dhe u përcaktuan linjat strategjike të zhvillimit të profesionit për vitet në vijim.
Në përfundim të procesit të rregullt dhe transparent të votimit, Asambleja shpalli rezultatet zyrtare për përbërjen e organit të ri vendimmarrës të Institutit. Anëtarët e rinj të përzgjedhur për të udhëhequr Këshillin Drejtues për mandatin katërvjeçar 2025–2029 janë:
- Z. Artan Xhiani
- Z. Arqile Mishtaku
- Z. Albion Ndini
- Z. Berti Pashko
- Z. Elton Haxhi
- Znj.Iris Qirjaqi
- Z. Kledian Kodra
Këshilli i ri Drejtues merr detyrën në një moment kyç të transformimit të profesionit, me angazhimin maksimal për të përfaqësuar interesat e komunitetit të ekspertëve kontabël, për të garantuar zbatimin e standardeve më të larta të etikës dhe për të vijuar konsolidimin e rolit të IEKA-s në arenën kombëtare e ndërkombëtare.
IEKA i uron suksese Këshillit të ri Drejtues në përmbushjen e misionit të tij institucional!