Kandidatët

Procedura e Regjistrimit

Kandidatët që plotësojnë kushtet e pranimit mund të aplikojnë për regjistrim në praktikën profesionale, në përputhje me Ligjin për Auditimin Ligjor, Rregulloren për Edukimin Profesional dhe vendimet e Këshillit Drejtues të IEKA-s.

Afati i aplikimit1 – 15 nëntorAplikimet pranohen çdo vit në këtë periudhë.

DorëzimiDokumentacioni dorëzohet pranë zyrave të IEKA-s ose dërgohet me postë në adresën zyrtare të Institutit.

Hapat e procedurës

Nga dorëzimi i dokumentacionit deri te regjistrimi si kandidat për Auditues Ligjor.

1Dorëzimi i dokumentacionitKërkesa për regjistrim dorëzohet së bashku me dokumentet personale, akademike dhe ato të praktikës profesionale.

2Shqyrtimi i aplikimitDokumentacioni shqyrtohet nga KEKV në bashkëpunim me Drejtorin Ekzekutiv; vendimi merret nga Këshilli Drejtues.

3Testimi hyrësZhvillohet në janar–shkurt të vitit të parë të praktikës profesionale dhe është eliminues.

4Regjistrimi si kandidatKandidati regjistrohet në Programin e Edukimit Profesional dhe fillon praktikën profesionale.

1. Dorëzimi i dokumentacionit

Kërkesa për regjistrim duhet të shoqërohet me dokumentet e mëposhtme:

Dokumente personale

Kërkesa me shkrim drejtuar KEKV;

Dokument identifikimi;

Curriculum Vitae (CV) i përditësuar;

Dëshmi e gjendjes gjyqësore (dëshmi penaliteti);

Dokumente akademike

Diplomë e shkollës së lartë (e noterizuar), ku përfshihet:a)Diplomë Bachelor (3-vjeçare) dhe diplomë “Master”; oseb)Diplomë e integruar e nivelit të dytë; osec)Diplomat e barasvlershme me to;

Lista e notave (e noterizuar) për çdo diplomë;

Dokumente për praktikën profesionale

Marrëveshja e praktikës profesionale me kontratë me kohë të plotë trevjeçare;

Deklaratë noteriale që tregon se kandidati nuk ka asnjë marrëdhënie punësimi me kohë të plotë me punëdhënës të tjerë;

Kontratë individuale pune me drejtuesin e praktikës profesionale (bazuar në Kodin e Punës në RSH);

Diplomat në pikat (a), (b), (c), në përputhje me kategorizimet e ligjit Nr. 10307, datë 22.7.2010 “Për arsimin e lartë në Republikën e Shqipërisë”, të ndryshuar, mbulojnë çdonjërën nga degët e studimit në shkencat ekonomike, si kontabilitet, financë, administrim biznesi, ekonomiks apo të barasvlershme me to. Lista mund të përditësohet sipas rregullores në fuqi.

Marrëveshja e praktikës profesionale

Marrëveshja hartohet në tre kopje dhe i bashkëlidhet aplikimit. Ajo përcakton të drejtat dhe detyrimet e kandidatit dhe drejtuesit të praktikës profesionale, si dhe mënyrën e zhvillimit të praktikës. Në rast se praktika zhvillohet pranë një shoqërie auditimi, kjo e fundit cakton audituesin ligjor përgjegjës për drejtimin e praktikës profesionale.

Shkarko modelin e Marrëveshjes →

2. Shqyrtimi i aplikimit

Pas përfundimit të afatit të aplikimeve, dokumentacioni shqyrtohet nga Komiteti i Edukimit dhe Kualifikimit të Vijueshëm (KEKV), në bashkëpunim me Drejtorin Ekzekutiv.

KEKV i paraqet Këshillit Drejtues listën e kandidatëve që plotësojnë kushtet për pranim në praktikën profesionale, si dhe kandidatët e refuzuar, së bashku me argumentimin përkatës. Vendimi përfundimtar merret nga Këshilli Drejtues.

Lista e kandidatëve të pranuar publikohet në faqen zyrtare të IEKA-s, ndërsa kandidatët që nuk pranohen njoftohen me shkrim, së bashku me arsyet e refuzimit.

3. Testimi hyrës

Kandidatët që plotësojnë kushtet e regjistrimit ftohen të marrin pjesë në testimin hyrës, i cili kryhet gjatë muajve janar–shkurt të vitit të parë të praktikës profesionale.

Testimi organizohet vetëm një herë dhe është eliminues. Nëse kandidati nuk merr pjesë në testimin hyrës, mund të rifillojë praktikën profesionale në vitin e ardhshëm.

01Një test logjik;

02Një test mbi njohuritë e përgjithshme dhe njohuritë bazë në kontabilitet dhe financë.

4. Regjistrimi si kandidat për Auditues Ligjor

Pas përfundimit me sukses të procedurës së regjistrimit dhe testimit hyrës, kandidati regjistrohet në Programin e Edukimit Profesional dhe fillon praktikën profesionale.

Tarifat

Tarifa e aplikimit4,000LEK

Kandidati duhet të bashkëngjisë mandatpagesën për tarifën e aplikimit.

Tarifa e regjistrimit në praktikën profesionale100,000LEK

Afati i pagesës: deri më 31 mars · Vendim KD nr. 51, datë 7.12.2018

Tarifat miratohen nga Këshilli Drejtues i IEKA-s dhe përditësohen sipas vendimit përkatës.

Formularë

Modele dokumentesh

Formularët dhe modelet standarde për praktikën profesionale.

Shiko dokumentet →Kushtet e Pranimit

Kushtet ligjore që duhet të plotësojë çdo kandidat.

Lexo kushtet →